Pas 36 ndeshjeve të fazës së grupeve, ka ardhur koha për fazën e 16-të të Euros, që luhet në Gjermani. Fatkeqësisht për ta, dhjetë lojtarë do të mungojnë në këtë ndeshje për shkak të pezullimit.
Mbrojtësi gjerman Jonathan Tah do të suspendohet për fazën e 16-të kundër Danimarkës dhe do të dobësohet edhe përzgjedhja skandinave për mosluajtjen me Morten Hjulmand, i cili ka edhe dy kartonë të verdhë të grumbulluar.
Silvan Widmer ka marrë edhe kartonin e dytë të verdhë në ndeshjen mes Zvicrës dhe Gjermanisë, ndaj nuk ka të drejtë të luajë kundër Italisë, por azurrët do të kenë një handikap edhe më të madh.
Përkatësisht, një nga lojtarët më të mirë të Italisë dhe zbulimi i eurove, Riccardo Calafiori, ka marrë karton të verdhë ndaj Kroacisë dhe për këtë ai nuk do të mund t’i ndihmojë bashkëlojtarët e tij ndaj zviceranëve.
Pas kartonëve të verdhë ndaj Serbisë dhe Anglisë, slloveni Erik Janža do të mungojë në ndeshjen ndaj Portugalisë.
Rumuni Nicusor Bancu do të mungojë në duelin ndaj Holandës, ndërsa gjeorgjianët nuk do të mund të llogarisin dot te Anzor Mekvabishvili në përballjen me Spanjën.
Së fundmi, Turqia do të dobësohet shumë ndaj Austrisë, pasi Hahan Çalhanoglu dhe Samet Akaydin kanë kartonë të verdhë dhe austriakët do të mbeten pa shërbimet e Patrick Wimmer.
