Pas Diegos Carlos, Milan Shkriniar dhe Anderson Talica, Fenerbahçe konfirmoi një tjetër transfer dimëror dhe në skuadrën e tij solli mbrojtësin e djathtë 20-vjeçar serb, Ognjen Mimović.
Futbollisti aktual i Crvena Zvezdës mbërriti në Stamboll për kontrollet mjekësore dhe përfundimin e transferimit. Me ardhjen e tij, do të rritet edhe më shumë numri i futbollistëve nga Ballkani në klubin turk.
Edin Džeko, Dominik Livaković, Dušan Tadić dhe Filip Kostić janë prej kohësh pjesë e Fenerit, gjë që do t’i ndihmojë të riut Mimović të përshtatet më lehtë në mjedisin e ri.
Sipas raportimeve të mediave serbe, ky transfer ka një vlerë prej rreth 8.5 milionë eurosh, me 10% të shumës nga transferimi i ardhshëm që do t’i takojë Crvena Zvezdës.
Fenerbahçe anuloi marrëveshjen mes Crvena Zvezdës dhe St. Etienne me një ofertë shumë më të fuqishme financiare, ndërsa edhe lojtari përfitoi kushte dukshëm më të mira.
Duke luajtur në 19 ndeshje këtë sezon, Mimović ka shënuar një gol dhe ka dhënë dy asistime.
