Komuna e Prishtinës me njoftim për qytetarët që ngrohen nga Termokosi

Komuna e Prishtinës ka njoftuar të gjithë prishtinasit që ngrohen nga Termokosi, se të hënën më 12 shtator do të fillojë instalimi i alokatorëve dhe valvulave moderne.

Nëpërmjet një kumtese, komuna ka kërkuar nga banorët që t’ua hapin dyert ekipeve autorizuese, ndërsa në rast se nuk gjenden në shtëpi të kontaktojnë në numrin pa pagesë në mënyrë që të regjistrohen në data-bazën për përftim të pajisjeve, njofton Klankosova.tv.

“Më 12 shtator fillon instalimi i alokatorëve dhe valvulave moderne, në çdo banesë në Qendër, që është klient i ngrohtores Termokos”.

“Ju lutemi të hapni dyert për ekipet e autorizuara ashtu që edhe ju të përfitoni. Nëse nuk do të jeni në shtëpi ju lutem kontaktoni në 080099000 sa më parë që mos të humbisni rastin për përftimin e pajisjeve të reja”, thuhet në kumtesën e komunës.

Kategoritë
LajmeVendi