Kryetari i Kuvendit të Kosovës, Glauk Konjufca ka reaguar pas tragjedisë ajrore në SHBA, ku një aeroplan me pasagjerë u përplas me një helikopter ushtarak, ku sipas raportimeve te deritanishme një numër i madh pasagjerësh kanë humbur jetën.
Konjufca thotë se është pikëlluese humbja e disa dhjetëra jetëve në aksidentin ajror, transmeton Telegrafi.
Ndryshe, një operacion kërkimi dhe shpëtimi është duke u zhvilluar, pasi një aeroplan pasagjerësh dhe një helikopter ushtarak u rrëzuan mbi një lumë të madh në Uashington DC.
Aeroplani i aviokompanisë i American Airlines, me 60 pasagjerë dhe katër anëtarë të ekuipazhit në bord, po ulej në aeroportin kombëtar të Uashingtonit, Ronald Reagan, kur ndodhi përplasja në ajër, transmeton Telegrafi.
Helikopteri i ushtrisë amerikane Black Haëk kishte tre ushtarë në bord.
Të dy fluturaket ranë në lumin Potomac, pasi u përplasën rreth orës 21:00 sipas kohës lokale./Telegrafi/
