Kryeministri në detyrë, njëherësh kryetari i Lëvizjes Vetëvendosje Albin Kurti, është takuar me kryetarin e Partisë Demokratike Turke të Kosovës Fikrim Damka, me të cilin ka biseduar për hapat për formimin e institucioneve të legjislaturës së nëntë, pas Zgjedhjeve të 9 shkurtit.
“Kryeministri Kurti falënderoi z. Damka për punën si Ministër i Kabinetit në këtë mandat të plotë të Qeverisë dhe për bashkëpunimin e afërt si në Qeveri, ashtu edhe në Kuvend. Të dyja palët shprehën vullnetin dhe gatishmërinë që ky bashkëpunim i frytshëm të vazhdojë edhe në legjislaturën në vijim.” – thuhet në komunikatën për media të Zyrës së Kryeministrit, më 03.04.2025.
Takimi i mbajtur në Zyrën e Kryeministrit ishte në kuadër të konsultimeve me partitë politike të komuniteteve joshumicë për formimin e Qeverisë së re.
