Pas Kupës së Botës në Katar, Federata e Futbollit të Kosovës mund të merrte si dhuratë stadiumin e parafabrikuar “974”, pasi kishin dorëzuar një kërkesë zyrtare në FIFA.
Kryetari i NS-së së Kosovës Agim Ademi tha se ka shumë gjasa që stadiumi spektakolar me kapacitet prej 44 mijë ulëse t’i dhurohet shtetit të Kosovës për shkak të marrëdhënieve të mira me Federatën e Futbollit të Katarit.
Stadiumi me emrin “974” është specifik në shumë drejtime. Ai hyri në historinë e futbollit edhe para se të luhej një lojë e vetme në të. Gjegjësisht, e ka marrë këtë emër sepse është ndërtuar nga i njëjti numër kontejnerësh transporti dhe çeliku modular. Në të njëjtën kohë, 974 është numri ndërkombëtar i thirrjeve për Katarin.
Përveç kësaj, është stadiumi i parë në historinë e spektaklit botëror të futbollit që çmontohet plotësisht pas finales së Kupës së Botës më 18 dhjetor, Ditës Kombëtare të Shtetit të Katarit – duke demonstruar përkushtimin e Katarit për qëndrueshmëri me kosto efektive dhe dizajn të guximshëm.
FFK have officially requested FIFA to bring in #Kosova the 974 Stadium after @FIFAWorldCup.
According to FFK President, chances for this stadium to be donated to our country are very hight due to good relations with Qatar Football Association. pic.twitter.com/vpFSy4ExjJ
— Kosovan Football 🇽🇰 (@kosovanfooty_EN) November 25, 2022
Ndodhet në Ras Bu Abboud, 10 kilometra në lindje të qendrës së Dohas. Në faqen zyrtare të organizatorëve të Botërorit 2022, ata njoftuan se nisja dixhitale e Stadiumit “974” u zhvillua më 20 nëntor 2021, në prag të Kupës Arabe 2021.
Dizajni i stadiumit “974” u konceptua për herë të parë nga Fenwick Iribarren Architects më 26 nëntor 2017.
Ky vend unik i bën nder traditës së gjatë të Katarit të tregtisë botërore dhe detarisë. E vendosur në zonën buzë portit dhe brenda pamjes së qytetit bregdetar të Dohas, tifozët në stadiumin “974” do të ndjejnë erën e ftohtë që fryn nga Gjiri Arabik.
Ndërsa prania fizike e stadiumit “974” mund të jetë e përkohshme, trashëgimia e tij do të jetë e përjetshme.
