Ambasadori turk Çağrı Sakar theksoi se me projektet e bëra nga ushtarët turq në shkollat e rajoneve të ndryshme në Kosovë është forcuar lidhja historike me popullin mik dhe vëllazëror të Kosovës.
Hapen për shërbim laboratorët e fizikës dhe kimisë-biologjisë të krijuar në shkollën e mesme Atatürk në Mamushë, e vetmja komunë turke në Kosovë, të dhuruar nga Presidenca e Delegacionit Përfaqësues të Türkiye-s që shërben në kuadër të forcave të KFOR-it, raporton Anadolu Agency (AA).
Në ceremoninë e mbajtur në shkollën e mesme Atatürk, morën pjesë Ambasadori i Türkiyes në Prishtinë Çağrı Sakar; ministri i Zhvillimit Rajonal të Kosovës dhe kryetari i Partisë Demokratike Turke të Kosovës (KDTP) Fikrim Damka; kreu i Komitetit të Përfaqësuesit të Türkiye-s, kolonel Recai Yılmaz; kryetari i komunës së Mamushës, Abdülhadi Krasniç dhe zyrtarë të tjerë.
Në fjalimin e tij në ceremoni, ambasadori Sakar theksoi se me projektet e bëra nga ushtarët turq në shkollat e rajoneve të ndryshme në Kosovë është forcuar lidhja historike me popullin mik dhe vëllazëror të Kosovës.
Duke thënë se miqësia mes Türkiye-s dhe Kosovës është forcuar me projektet e realizuara nga ushtarët turq, Sakar u shpreh: “Dëshira dhe synimi ynë themelor është që të rinjtë tanë në Mamushë, ashtu si të rinjtë e komunitetit turk në qytetet tjera të Kosovës, të bëhen njerëz të pajisur mirë, të talentuar, të arsimuar, të cilët mund të kontribuojnë për vendin e tyre Kosovën dhe marrëdhëniet ndërmjet Kosovës dhe Türkiye-s në të ardhmen. Për ta arritur këtë, të gjithë kemi përgjegjësi të madhe”.
Koloneli Yılmaz deklaroi gjithashtu se si Komitet Përfaqësues i Türkiye-s, ata u fokusuan në projekte në fushën e arsimit.
“Udhëheqësi i madh Gazi Mustafa Kemal Atatürk ka thënë: Është arsimi ai që ose e mban gjallë një komb si një komunitet të lirë, të pavarur, të lavdishëm, të lartë, ose e lë atë në skllavëri dhe mjerim”, tha koloneli Yılmaz.
Ai më tej tha se do të jetë kënaqësi e madhe për nëse “arrijmë të vendosim një tullë në arsimin i cili do të ndërtojë të ardhmen tonë”.
Pas prerjes së shiritit të hapjes, ceremonia u mbyll me një fotografi të përbashkët.
Në kuadër të projektit, dy klasa u rinovuan dhe u pajisën me pajisje testimi dhe materiale trajnimi të përshtatshme për studime eksperimentale.
