Kremlini tha sot se sulmet e rënda ajrore ruse në Ukrainë gjatë natës ishin një përgjigje ndaj përdorimit të armëve të fuqive perëndimore.
“Zëdhënësi i Kremlinit, Dmitry Peskov përmendi sulmin ukrainas në një aeroport ushtarak rus të mërkurën në Taganrog – si justifikim”, njoftoi agjencia shtetërore ruse e lajmeve TASS.
Ministria e Mbrojtjes në Moskë shkroi në Telegram se përgjigja ruse kishte qenë nisja e një sulmi masiv ndaj infrastrukturës së karburantit dhe energjisë së Ukrainës.
Presidenti ukrainas, Volodymyr Zelensky e quajti bombardimin brenda natës një nga sulmet më të mëdha në rrjetin e energjisë që nga fillimi i luftës në shkurt 2022. Sipas Forcave Ajrore të Ukrainës, ushtria e Moskës përdori 94 raketa si dhe 193 dronë luftarakë.
