“Në muajt e fundit, zyrtarët ukrainas kanë bërë gjithnjë e më shumë deklarata për liderët e huaj që janë krejtësisht të papërshtatshme”, tha zëdhënësi i Kremlinit, Dmitry Peskov
Zëdhënësi i Kremlinit, Dmitry Peskov, tha se zyrtarët ukrainas bëjnë shpesh komente të papërshtatshme për krerët e shteteve, duke komentuar zënkën verbale midis presidentit amerikan Donald Trump dhe homologut të tij ukrainas Volodymyr Zelenskyy, raporton Anadolu.
Duke folur në një konferencë për media në Moskë, Dmitry Peskov tha se retorika e Zelenskyy-t dhe shumë përfaqësuesve të Ukrainës janë “larg të qenit të sjellshme”.
“Në muajt e fundit, zyrtarët ukrainas kanë bërë gjithnjë e më shumë deklarata për liderët e huaj që janë krejtësisht të papërshtatshme”, tha Peskov.
Ai shtoi se “deklaratat e papërshtatshme” nga Zelenskky si dhe nga zyrtarë të tjerë ukrainas për krerët e shteteve janë “të papranueshme”.
Ndërkohë, Trump dje e quajti Zelenskyy-n një “diktator” dhe “komedian me sukses modest”, i cili “bindi” SHBA-në për “një luftë që nuk mund të fitohet”.
