Kritikoi luftën në Ukrainë, dënohet me 7 vite burg politikani rus

Një politikan rus është burgosur për 7 vjet pasi reagoi kundër luftës së Rusisë në Ukrainë, në atë që mendohet të jetë dënimi i parë sipas ligjeve të reja që synojnë të godasin disidentët.

60 vjeçari Alexei Gorinov u arrestua në muajin prill pasi u filmua duke kritikuar sulmin ndaj Ukrainës në një mbledhje të këshillit të qytetit të Moskës.Sipas ligjit pas pushtimit, kushdo që përhap “lajme të rreme” për ushtrinë përballet me 15 vjet burg.

Rusëve gjithashtu u ndalohet të përdorin fjalën luftë për të përshkruar pushtimin në Ukrainë.

Presidenti Vladimir Putin në vend të kësaj ka shpikur frazën “operacion special ushtarak”, megjithëse ai foli për “luftë në Donbas” në komentet drejtuar liderëve parlamentarë.

Aktivisti i të drejtave të njeriut Pavel Çikov tha se vendimi për Gorinov ishte dënimi i parë me burg sipas ligjit të ri. Deri më tani gjyqtarët kanë dhënë vetëm një gjobë ose një dënim me kusht.

 

Kategoritë
BotaLajme