Kroacia ktheu një ngarkesë me patate nga Bosnja dhe Hercegovina nga kufiri, sepse përmbante kadmium, i cili është kancerogjen në sasi më të larta se sa lejohet, thuhet në faqen e internetit të Qendrës Evropiane të Paralajmërimit të Shpejtë në Tregtinë Ushqimore (RASFF).
Informacioni për tërheqjen, siç thuhet, të patateve organike u publikua më 7 dhjetor. Nuk është bërë e ditur se për cilin prodhues bëhet fjalë, por u theksua se patatet përbënin rrezik serioz për shëndetin.
Nuk dihet nëse kjo patate shitet edhe në Bosnje dhe Hercegovinë. Në faqen e Agjencisë Shtetërore të Sigurisë Ushqimore, nga data 7 dhjetor deri në publikimin e këtij teksti, nuk është publikuar asnjë informacion për tërheqjen e ndonjë patate nga tregu.
Gjatë marrjes së mostrave është përcaktuar prania e 0,165 miligramë kadmium për kilogram patate. Rregulli i Bashkimit Evropian është se mund të ketë deri në 0,10 miligramë kadmium, që është një metal i rëndë, për kilogram patate.
