Monedha e përbashkët euro, e cila për herë të parë hyri në qarkullim në vitin 1999, përdoret aktualisht në 19 shtete anëtare të BE-së
Kroacia miratoi një ligj që hap rrugën për përdorimin e monedhës uuro vitin e ardhshëm, raporton Anadolu Agency (AA).
Kuvendi kroat me 151 ulëse votoi 117-13 në favor të ligjit për përdorimin e Euros, ndërsa një deputet abstenoi.
Kroacia, e cila iu bashkua BE-së në vitin 2013, do të zëvendësojë kunën kroate me euron më 1 janar 2023.
Partitë e djathta thanë më herët se ishin kundër legjislacionit, me argumentin se tranzicioni do të rriste varfërinë.
Monedha e përbashkët euro, e cila për herë të parë hyri në qarkullim në vitin 1999, përdoret aktualisht në 19 shtete anëtare të BE-së. Pas përfshirjes së Kroacisë në eurozonë në fillim të vitit 2023, vetëm Danimarka, Bullgaria, Republika Çeke, Hungaria, Polonia, Rumania dhe Suedia do të mbeten nga anëtarët e BE-së që përdorin monedhat e tyre.
