Në skenën në Brijesta, ku ura bashkohet me gadishullin Peleshac, do të performojnë qindra interpretues, shoqëri folklorike dhe kulturo-artistike, dhe shoqata nga e gjithë prefektura Dubrovnik-Neretva
Në të dy anët e Urës së Peleshacit, i cili sonte do të lëshohet në qarkullim, do të organizohet program i pasur kulturo-artistik, raporton Anadolu Agency (AA).
Në skenën në Brijesta, ku ura bashkohet me gadishullin Peleshac, do të performojnë qindra interpretues, shoqëri folklorike dhe kulturo-artistike, dhe shoqata nga e gjithë prefektura Dubrovnik-Neretva.
Sot në mëngjes u zhvillua gara “Du Motion” në urë. Ajo u mbajt në mes të urës dhe prapa. Garat “Du Motion” janë të njohura në mbarë botën, dhe në vetë urën ishin rreth 250 vrapues nga gjashtë vende.
Vedran Antunica, kryetar i komunës Ston, e cila përfshin Brijestën, foli për rëndësinë e urës së Peleshacit për këtë zonë.
“Rëndësia është e pamatshme. Deri më tani kemi hasur në barriera të ndryshme kur është fjala për kalimin e mallrave, shërbimeve dhe njerëzve nëpër dogana dhe pika kufitare. Kjo padyshim që do t’ua lehtësojë jetën njerëzve në këto hapësira”, sqaroi Antunica.
Mendimi është se tani do të lehtësohet situata kur bëhet fjalë për transportin e mallrave përtej kufirit.
“Kjo zonë njihet edhe për gurët e detit dhe midhjet e saj të shkëlqyera. Po ashtu është shumë e rëndësishme që e gjithë kjo zonë e Kroacisë jugore të bëhet destinacion i arritshëm me automjet. Të gjithë ata mysafirë që kanë shkuar ose me avion ose në ndonjë mënyrë tjetër, tani të ketë mundësi tjetër për të ardhur në pushime, me automjete. Ka shumë përparësi. Të gjitha potencialet e Peleshacit”, theksoi Antunica.
Ndërtimi i urës së Peleshacit me rrugë hyrëse, sipas Qeverisë kroate ka kushtuar 525 milionë euro, prej të cilave 357 milionë euro janë mjete të pakthyeshme nga fondet e Bashkimit Evropian.
Ura është projektuar nga slloveni Marjan Pipenbaher. Ura e varur, ndërtimi i së cilës iu besua kompanisë “China Road and Bridge Corporation” në vitin 2018, ka gjashtë shtylla kryesore me gjatësi nga 72 deri në 285 metra. Lartësia e saj është 55 metra, e cila, sipas autoriteteve kroate, plotësoi kërkesën e Bosnjë e Hercegovinës fqinje për të siguruar kalimin e qetë të anijeve përmes kanalit Maloston në Neum. Thellësia e detit nën urë është pothuajse konstante 27 metra.
