Klubi gjerman HSV ka njoftuar në faqen e tij zyrtare se edhe rezultati i mostrës B, e cila i është dërguar për testim futbollistit kroat Marijo Vushkoviq, ka dalë pozitiv për substanca ilegale.
Ky lojtar tashmë po përballet me dënime të ndryshme, në rastin më të keq mund të jetë fundi i karrierës së tij dhe madje edhe dënimi me burg.
Në mesin e shtatorit, futbollisti kroat dështoi në testin e dopingut pasi në kampionin e urinës iu gjetën gjurmë eritropoietine dhe Federata Gjermane e Futbollit nisi menjëherë një hetim kundër tij dhe klubi e largoi menjëherë nga ekipi.
Kujtojmë se ai ka rezultuar pozitiv për EPO, pra doping në gjak. Është një hormon që stimulon prodhimin e rruazave të kuqe të gjakut, gjë që në fund lejon gjakun të thithë më shumë oksigjen në trup.
Die Analyse der B-Probe hat das Ergebnis der bei Mario Vuskovic (@HSV) genommenen A-Probe bestätigt. Aufgrund des jetzt vorliegenden Analyseergebnisses der B-Probe wird davon ausgegangen, dass ein Verstoß gegen anwendbare Anti-Doping-Vorschriften vorliegt: https://t.co/mkItasvsbk pic.twitter.com/fVuDsWG8Cw
— DFB (Verband) (@DFB) December 15, 2022
Vushkoviç ka luajtur 13 ndeshje për kombëtaren e re të Kroacisë dhe ka shënuar dy gola.
HSV-Stellungnahme zur positiven B-Probe von Mario #Vuskovic. ⬇https://t.co/22QGhsQN9w
— Hamburger SV (@HSV) December 15, 2022
Mediat gjermane bëjnë me dije se për këtë vepër ai mund të përjashtohet nga futbolli për katër vjet, si dhe mund të dënohet me gjobë dhe deri në tre vjet burg. Gjithashtu, përmendet shembulli i Felix Sturm, i dënuar me tre vjet burg për shkelje tatimore në vitin 2016.
