Kryeministri holandez: Përpjekjet e Turqisë për të zgjatur marrëveshjen e drithit janë për t’u vlerësuar shumë

“Përpjekjet që Turqia ka treguar për të zgjatur marrëveshjen e drithit, janë për t’u vlerësuar shumë dhe janë shumë të rëndësishme për sigurinë globale të ushqimit”, tha Rutte

Kryeministri i Holandës, Mark Rutte tha se janë për t’u vlerësuar shumë përpjekjet që Turqia ka treguar për të zgjatur marrëveshjen e drithit, transmeton Anadolu Agency (AA).

Rutte ka bërë një postim nga llogaria e tij në median sociale lidhur me bisedën telefonike që zhvilloi me presidentin e Turqisë, Recep Tayyip Erdoğan.

“Bisedova me Erdoğan-in. Është mirë të jesh në kontakt të ngushtë në kohë lufte. Përpjekjet që Turqia ka treguar për të zgjatur marrëveshjen e drithit, janë për t’u vlerësuar shumë dhe janë shumë të rëndësishme për sigurinë globale të ushqimit. Diskutuam edhe për bashkëpunimin në NATO dhe zhvillimet në rajon”, tha Rutte në postimin e tij.

Kategoritë
BotaLajme