Kryeministrja finlandeze takohet me Zelenskyn, ofron ndihmë për rindërtim

Kryeministrja finlandeze Sanna Marin, që më herët vizitoi Buchan dhe Irpinin, është takuar me presidentin ukrainas Volodymyr Zelensky në Kiev.

Liderja finlandeze u zotua që të ndihmojë në rindërtimin e qyteteve dhe rivendosjen e infrastrukturës, sipas kryeministrit të Ukrainës.

Kjo vjen pasi Finlanda paraqiti zyrtarisht kërkesën e saj për t’u anëtarësuar në NATO derisa agresioni rus në Ukrainë po vazhdon.

Zelensky, pas takimit, tha se vizita të tilla nga politikanë të rangut të lartë janë “sinjale të drejtpërdrejta dhe shumë të rëndësishme të mbështetjes”.

Në ndërkohë, kryeministrja e Finlandës pas vizitave në Irpin dhe Bucha tha se “ishte jashtëzakonisht e vështirë të shikoje gjithçka që Rusia u ka bërë këtyre qyteteve”.

“Shumë njerëz vdiqën. Në të njëjtën kohë, shpirti heroik i popullit ukrainas, i cili po lufton për lirinë e tij dhe për të gjithë Evropën, është i admirueshëm”.

Kategoritë
BotaLajme