Pezullimi është bërë me arsyetimin se rezultati i garës së kërcyesit Izmir Smajlaj ishte manipuluar.
Kryetari i Federatës Shqiptare të Atletikës, Gjergji Ruli, është dënuar me 5 vjet pezullim, ndërsa sekretari i përgjithshëm i federatës, Nikolin Dionisi me 4 vjet, me arsyetimin se rezultati i garës së kërcyesit Izmir Smajlaj ishte manipuluar.
Sipas njoftimit të Njësisë së Integritetit të Atletikës (AIU), lidhur me Smajlaj, i cili u kualifikua për Lojërat Olimpike në Tokio me kërcimin e tij prej 8,16 metra në garën e mbajtur në Tiranë në maj të vitit 2021, i është dhënë Shoqatës Botërore të Atletikës informacione të pasakta për arritjen e tij.
Me këtë kreu i federatës u pezullua 5 vjet, ndërsa sekretari i përgjithshëm 4 vjet.
Ndalimi i përkohshëm i Smajlajt, i cili fitoi kampionatin evropian të sallave të mbyllura në vitin 2017, u hoq për shkak të provave të pamjaftueshme që 30-vjeçari ishte përfshirë me vetëdije në manipulime.
