Kryeministri i Kosovës dhe kreu i Lëvizjes Vetëvendosje, Albin Kurti, është pyetur sot rreth nisjes së bisedimeve me partitë politike për formimin e Qeverisë së re, shkruan Gazeta Express.
Megjithatë Kurti në ecje e sipër është përgjigjur duke thënë se paraprakisht do të duhet të pritet për certifikimin e rezultateve të zgjedhjeve të 9 shkurtit.
Lëvizja Vetëvendosje ka dalë parti e parë në zgjedhjet e 9 shkurtit me 40 % të votave dhe për krijimin e Qeverisë së re do t’i duhet bashkëpunim me ndonjë prej partive opozitare. Deri tani, vetëm kreu i NISMA-s, Fatmir Limaj, ka folur hapur për gatishmërinë e tij për bashkëpunim me Kurtin.
Kreu i AAK-së, Ramush Haradinaj, vazhdon të insistojë në krijimin e një qeverie të opozitës./Express/
