Skuadra e Lirisë ka njoftuar sot për largimin e trajnerit Bledar Devolli.
Devolli mori drejtimin e Lirisë në fillim të muajit tetor të vitit të shkuar, duke zëvendësuar Granit Begollin.
Mirëpo Liria, tashmë ka gjetur zëvëndësuesin e Devollit ku pritet të emërohet Leotrim Krasniqi, i cili u largua javën e kaluar nga Vëllaznimi.
Krasniqi pritet të jetë trajner i ri i skuadrës për edicionin pranveror, kurse do t’i bashkohet menjëherë skuadrës në Durrës, atje ku prizrenasit po kryejnë fazën përgatitore.
