Futbollisti serb dhe dikur një nga sulmuesit më të talentuar të Evropës, Luka Jović, përjetoi një dështim të plotë në karrierën e tij, pasi klubi i tij, Milani, nuk e regjistroi atë për sezonin e ri të garave të UEFA-s.
Jović (26) definitivisht mori mesazhin nga klubi që nuk llogaritet më. Para disa viteve, me fanellën e Frankfurtit dhe Real Madridit, ai konsiderohej si një nga sulmuesit më premtues të Evropës, por nuk arriti të imponohej askund, dhe tani duket se do të ndahet edhe nga Milani.
Trajneri i Milanit, Paulo Fonseca, mbrëmë shpalli listën përfundimtare të lojtarëve të regjistruar për sezonin e ri të Ligës së Kampionëve, dhe Luka Jović nuk është as në listën A dhe as në listën B. Ai është i vetmi lojtar më i përvojë në ekip që mungon në listë.
Evident është se ardhja e Tammy Abraham ka ndryshuar qëndrimin e Fonsecës ndaj Jovićit, pasi sulmuesi serb këtë verë mori fanellën me numrin “9” dhe pritej të bënte një shpërthim në sezonin e ardhshëm.
Megjithatë, Milani tani ka tre sulmues në klub që janë para Jovićit, dhe ata janë Alvaro Morata, Noah Okafor dhe Tammy Abraham. Jović tani do të kërkojë fatin diku tjetër.
Ditët e fundit, mediat serbe përmendin që Jović do të kthehet te Crvena Zvezda, por ka mbetur shumë pak kohë që beogradasit të mbyllin edhe një marrëveshje të madhe. Kujtojmë që mbrëmë Zvezda zyrtarizoi sjelljen e përfaqësuesit të Bosnjës dhe Hercegovinës, Radet Kruniç, i cili ka ndarë dhomën e zhveshjes me Joviçin në Milan.
Faktet duken të pabesueshme, që Jović gjatë verës mori një kontratë të re, veshi fanellën me numrin “9” dhe madje u fotografua me fanellën e Milanit në posterin për Ligën e Kampionëve. Çfarë ndodhi ndërkohë, që futbollisti me origjinë nga Bijeljina ra krejtësisht në plan të dytë, ende nuk dihet.
