Sipas mediave kroate, kapiteni i kombëtares kroate dhe ylli i Real Madridit, Luka Modrić, ka hyrë në një sipërmarrje të re biznesi duke u bërë bashkëpronar (me 50% të aksioneve) i Zeppelin Craft Brewery, një birrari artizanale e njohur nga Bjelovari, e themeluar në vitin 2017.
Lajmin e ka konfirmuar edhe kryetari i bashkisë së Bjelovarit, Dario Hrebak, i cili e ka ndarë artikullin në profilin e tij zyrtar.
Zeppelin njihet për prodhimin e birrave artizanale të papasterizuara dhe të pafiltruara, dhe sipas spekulimeve, së shpejti pritet të lançohet një birrë e re e frymëzuar nga vetë legjenda e futbollit kroat – Luka Modrić.
Ndërkohë, Modrić së fundmi ka kryer një dokapitalizim prej 22,16 milionë euro në kompaninë e tij Modrić Family SL, me bazë në Spanjë, përmes së cilës menaxhon pasuritë e paluajtshme. Ai është pronari i vetëm i kompanisë, ndërsa përfaqësuese ligjore është bashkëshortja e tij, Vanja Modrić.
Me këtë hap të ri në industrinë e birrës, Modrić zgjeron dukshëm portofolin e tij të investimeve jashtë futbollit.
