Sulmuesi francez Kyllian Mbappé ka lëshuar një deklaratë të ashpër në lidhje me videon e biletave të sezonit 2023/24 të PSG-së, duke thënë se ajo është bërë pa dijeninë dhe lejen e tij dhe se ai nuk pajtohet me të.
Nga tre yjet e mëdhenj, vetëm ai shfaqet në videon promovuese së bashku me Hakimin dhe Donnarumma, ndërsa nuk ka asnjë shenjë as Messi e as Neymar.
🚨 « Je ne suis pas en accord avec cette vidéo publiée. »
Kylian Mbappé prend la parole après la video publiée ce matin par le PSG pour lancer la campagne d’abonnement 2023/24. pic.twitter.com/Y1lxiY4hfJ
— Actu Foot (@ActuFoot_) April 6, 2023
“Nuk jam informuar asnjëherë për këtë, nuk jam dakord me videon e publikuar”, ka thënë Mbappe, i cili ka shpjeguar:
“Kjo është arsyeja pse unë po luftoj për të pasur të drejtën e imazhit tim. PSG është një klub dhe familje e lartë, por nuk është Kylian Saint-Germain”, përfundoi sulmuesi i PSG-së.
Kujtojmë, Mbappe edhe më parë kishte pasur një mosmarrëveshje me PSG-në para se të vazhdonte kontratën, pasi kërkoi ekskluzivitet për fotot dhe regjistrimet e tij që përdoren për qëllime komerciale.
