Mbretëria e Bashkuar dhe Norvegjia filluan të enjten negociatat për një marrëveshje mbrojtëse që synon të përballet me kërcënimet nga Rusia në Arktik.
Ministri britanik i Mbrojtjes, John Healey, u takua me homologun e tij norvegjez, Tore Sandvik, në Shtabin e Përbashkët të Ushtrisë Norvegjeze.
Parashikohet nënshkrimi i një marrëveshjeje bilaterale për mbrojtjen, e cila do të mundësojë bashkëpunim më të ngushtë mes forcave të armatosura të të dy vendeve, duke përfshirë mbrojtjen e kabllove nënujore nga sabotazhet.
“Norvegjia mbetet një nga aleatët më të rëndësishëm të Mbretërisë së Bashkuar. Do të krijojmë një epokë të re partneriteti mbrojtës për të na afruar më shumë se kurrë më parë, ndërsa përballemi me kërcënime në rritje, forcojmë NATO-n dhe rrisim sigurinë tonë në veri të largët,” tha Healey.
Komentet e ministrit të Mbrojtjes Healey vijnë në një kohë tensionesh të shtuara midis SHBA-së dhe Evropës lidhur me negociatat e paqes për Ukrainën gjatë kohës së luftës. Për më tepër, presidenti amerikan mbron projektin për blerjen e Grenlandës, çka ngjall interesa të shumta në rajonin e Arktikut.
