Sebastián Marset është një futbollist uruguaian i cili u bë bos droge me pseudonimin “Mbreti i jugut”, vula me të cilën ai nënshkroi dërgesat e tij.
Marset, i cili është 33 vjeç, është ndër trafikantët më të rëndësishëm të drogës në Amerikën e Jugut dhe ka qenë një nga figurat kryesore pas trafikut të kokainës në Evropën Perëndimore.
Marset, në vend që të fshihej nga autoritetet, përdori ndikimin e tij dhe miliona euro që fitoi falë drogës për të blerë dhe sponsorizuar ekipe futbolli, të cilat i përdori për të pastruar para nga trafiku i drogës.
Ai pagoi më shumë se 10,000 dollarë për të veshur fanellën me numrin 10 për Deportivo Capiatán.
Besohet se trafikanti i famshëm i drogës jeton në Bolivi dhe kontrollon ekipin e Los Leones El Torno FC.
Marset përdorte dokumentacion nga Konfederata Braziliane e Futbollit dhe luante në Bolivi me emrin Luis Amorim.
Gianina García Troche, gruaja e Sebastián Marsetit, u arrestua në korrik 2024 në Madrid.
