Futbollisti i famshëm turk dhe ish-kampioni i botës Mesut Özil (34) ka shkruar në Twitter për të tërhequr vëmendjen për situatën e vështirë që po përjetojnë palestinezët gjatë Ramazanit dhe ka shkaktuar reagime të shumta në vendet islame.
Özil iu referua faktit se Ramazani është tradicionalisht një muaj përulësie dhe adhurimi për muslimanët, por përvoja e Ramazanit është shumë e ndryshme për palestinezët për shkak të agresionit izraelit.
“Ramazani duhet të jetë një muaj përulësie dhe nënshtrimi, por Ramazani në Palestinë është ndryshe. Le të lutemi për sigurinë e vëllezërve dhe motrave tona në Palestinë,” shkroi Özil në Twitter, duke mbledhur një numër të madh pëlqimesh dhe komentesh.
Ramadan is supposed to be a month of humility and worship, but Ramadan in Palestine is different.
Let's pray for the safety of our brothers and sisters in Palestine 🤲🏼❤️🇵🇸 pic.twitter.com/WzhL8OGcaU— Mesut Özil (@M10) April 7, 2023
Mesfushori dikur i madh i ka shprehur shpesh publikisht pikëpamjet e tij politike, gjë që është edhe një nga arsyet kryesore pse drejtuesit e Arsenalit i mbyllën dyert e klubit për të.
Gjermani me origjinë turke e ka kritikuar vazhdimisht Kinën për trajtimin e myslimanëve ujgurë dhe shumë janë të mendimit se që nga ai moment karriera e tij u shemb.
Ish-kampioni i botës me Gjermaninë pati një karrierë të shkëlqyer. Ai luajti për Real Madrid, Arsenal, Fenerbahce, Schalke dhe Werder, ndërsa për kombëtaren gjermane luajti 92 ndeshje dhe shënoi 23 gola.
