Lionel Messi ka një arsye të re për të festuar. Këtë herë nuk bëhet fjalë për fushën e futbollit, por për daljen e tij të parë në bursë, ose më saktë, për pasuritë e tij të paluajtshme. Vlerësimi? Mbi 220 milionë euro.
Messi filloi të bëjë investime serioze biznesi në vitin 2017. Ai bleu MiM Hotels, një zinxhir hotelesh me objekte në të gjithë botën, nga Barcelona në Ibiza, Mallorca, Andorra dhe Andaluzia. Thjesht vizita në faqen e internetit duket sikur po shfletoni një kartolinë.
Për ndërtimin e një hoteli në Andaluzia, argjentinasi shpenzoi rreth 30 milionë euro. Me kalimin e kohës, Messi u bë pronar i shtatë hoteleve në këtë zinxhir, ndërsa të gjitha aktivitetet e tij të biznesit janë të përfshira në grupin Limecu España 2010.
Vetëm pasi Messi nënshkroi për PSG-në, në arkën e kompanisë hynë 59.77 milionë euro nga të ardhurat. Limecu drejtohet nga vëllai i tij, Rodrigo Martín, dhe përfshin edhe katër kompani të tjera. Këto kompani operojnë në fusha të ndryshme: të drejtat e imazhit, sektorin e shërbimeve të mikpritjes, pasuritë e paluajtshme, dhe së fundmi, kompaninë Rostower Socimi.
Themeluar në vitin 2023, përveç hoteleve, zotëron shtëpi dhe hapësira tregtare e zyrtare. Sot, vlerësimi ka arritur një shumë prej 223 milionë eurosh. Synimi është të hapen dyert për investitorë të rinj, gjithashtu sepse ndërtesa Edificio Rostower Socimi ka qenë në humbje dy vitet e fundit.
Ditët e fundit, me miratimin e Consob-it spanjoll (Banka e Spanjës), kompania e Messit ka dalë në bursë me emrin Portfolio Stock Exchange. Funksioni? Një fond investimi për pasuri të paluajtshme. Çmimi referues për fillimin e tregtisë është 57.4 euro për aksion.
Për kryetarin e bordit të Rostower-it, ky është një fillim i ri. Emri i tij shfaqet në dokumente: Lionel Andrés Messi. Kostumi është gati, si dhe kravata. Këtë herë Messit nuk do t’i duhen këpucët e futbollit.
