Lionel Messi dhe Robert Lewandowski u pajtuan shpejt pas një grindjeje të vogël në ndeshjen Argjentinë kundër Polonisë, në të cilën ylli i PSG-së fillimisht refuzoi dorën e zgjatur të polakit si shenjë faljeje pas gabimit të tij.
Në fund të lojës, Messi u përpoq të driblonte Lewandowski në qendër dhe sulmuesi i Barcelonës e tërhoqi nga fanella dhe bëri një faull.
Messi teaching Lewandowski what it takes to be a ballon d'or winner 🙏🏽Argentina and Ghana all the way pic.twitter.com/hArbDanhn1
— Mr.s𝙚𝙡𝙤𝙧𝙢👽🆅 (@selorm_kn) November 30, 2022
Edhe pse ishte një faull i thjeshtë, taktik, Messi dukej se e merrte atë shumë personalisht, megjithëse Lewandowski u përpoq t’i jepte një dorë për ta bërë të ditur se nuk kishte mëri.
Për habinë e tifozëve që ndiqnin ndeshjen, Messi thjesht kaloi pranë tij i zemëruar, por gjërat u qetësuan shumë shpejt pas fishkëllimës së fundit.
Messi iu afrua Lewandowskit dhe i pëshpëriti diçka në vesh dhe ai detaj u regjistrua nga kamerat. Megjithatë, argjentinasi nuk ka dashur të tregojë se çfarë i kanë thënë njëri-tjetrit pas ndeshjes.
Leo Messi when asked about Lewandowski: "I was taught that whatever happens on the pitch, stays on the pitch. Same with the dressing room. I will never reveal what we said to each other privately." pic.twitter.com/Gp6pcrF565
— Barça Universal (@BarcaUniversal) November 30, 2022
“Ata më mësuan se çfarëdo që të ndodhë në fushë, mbetet në fushë. Kështu është edhe në dhomën e zhveshjes. Unë kurrë nuk do t’i zbuloj ato që i kemi thënë njëri-tjetrit privatisht”, tha Messi.
Kujtojmë, futbollistët e Argjentinës mundën skuadrën polake me rezultat 2:0, por të dyja skuadrat kaluan në fazën e 16-të.
Argjentina do të luajë kundër Australisë në fazën e 16-të dhe kjo ndeshje është planifikuar të dielën. Një ditë më parë Polonia dhe Franca do të kenë përballjen e tyre në 1/16.
