Klubi saudit Al-Hilal është i gatshëm t’i ofrojë 300 milionë euro në vit Lionel Messit në mënyrë që ta joshë të veshë fanellën e tyre, raporton gazeta spanjolle Mundo Deportivo.
Argjentinasi ka në tryezë një ofertë për një kontratë trevjeçare, e cila praktikisht do ta bënte miliarder gjatë asaj periudhe dhe gazeta spanjolle shkruan se babai i Messit, Jorge, ka mbërritur në kryeqytetin saudit për të diskutuar ofertën e klubit saudit.
Nëse Messi pranon ofertën e Al-Hilal, ai do të fitojë dukshëm më shumë se Ronaldo dhe do të ketë mundësinë të luajë sërish kundër rivalit të tij të madh, i cili i është bashkuar radhëve të rivalëve të hidhur Al-Nassr.
🚨 Al Hilal, Al Nassr's biggest rival, would like to sign Lionel Messi and are ready to offer him €300M/year. 🇦🇷🇸🇦
Just under double what Cristiano Ronaldo is earning. 🤑
(Source: @mundodeportivo) pic.twitter.com/YBMOBzU4wv
— Transfer News Live (@DeadlineDayLive) January 12, 2023
Kontrata e Messit me PSG-në skadon në fund të këtij sezoni dhe parisienët duan t’ia zgjasin kontratën yllit të tyre edhe për të paktën një vit shtesë, por ende nuk është rënë dakord për shumën e pagës që duhet të marrë Messi gjatë asaj periudhe.
Al-Hilal aktualisht është i ndaluar të sjellë lojtarë deri në afatin kalimtar të ardhshëm, që do të thotë se transferimi eventual i Messit mund të realizohet vetëm në momentin e duhur.
