Presidenti i Kroacisë, Zoran Milanoviq, ka deklaruar se Kosova ka kohë që ka pushuar të jetë çështje e brendshme e Serbisë, e cila do të duhet ta njohë dhe vlerësoi se Serbia është e mirëpritur në Perëndim, por se disa gjëra duhet të ndryshojnë.
“Situata në Ukrainë është fillimi i fundit të romancës serbo-ruse, në të cilën Serbia do të kuptojë se është një dashnore apo dashnore e mashtruar. Për Rusinë shembulli i Kosovës del si gjemb në sy. Rusia në një moment do të duhet ta njohë Kosovën për shkak të Krimesë, Serbia po e shqetëson Rusinë”, tha Milanović në një konferencë për shtyp në Zagreb pas takimit me presidenten sllovene Natasha Pirc Musar.
Ai ka vlerësuar se Serbia do të duhet ta njohë Kosovën në një farë mënyre, ndërsa politikanët e Kosovës do t’i japin status Asociacionit të Komunave Serbe, për të cilin janë pajtuar dhe nënshkruar. Milanović shtoi se përmbushja e detyrimeve i çon ata më tej në Perëndim.
“Po, Serbia mbeti pa Kosovën, e humbi në luftë. I siguroj shtetarët e huaj që ta njohin Kosovën nëse nuk e kanë bërë këtë”, ka thënë Milanoviq.
Në konferencën për media, ai ka reflektuar për deklaratën e tij të fundit se “Kosova i është vjedhur Serbisë” dhe reagimet entuziaste të tabloidëve serbë, të cilëve u ka thënë – “Jo entuziazëm, të lutem”, duke përmendur titullin e serialit humoristik “Curb your enthuziazm. “nga Larry David.
“Unë mund të kisha thënë ndryshe, se Serbia mbeti pa Kosovën ose se Kosova u përjashtua nga Serbia, por supozoj se të gjithë jemi dakord që Kosova ishte pjesë e Serbisë”, shtoi presidenti kroat.
I pyetur nga një gazetar, Milanoviç tha se për shkak të deklaratës së tij nuk ka folur me presidentin e Serbisë, Aleksandar Vuçiq, duke shtuar se për herë të fundit ai ka folur me të në telefon gjatë krizës së emigrantëve në vitin 2015. Milanoviç tha se “është mirë që ( Vuçiq) e kuptoi se së pari duhej të studionte deklaratën e tij”.
“Mesazhi im për ekipin në Serbi, të cilin nuk dua ta ofendoj, është se ka kohë që ka pushuar së qeni një çështje e brendshme e Serbisë”, theksoi Milanović.
Ai po ashtu tha se mendon se “nuk ka pse të theksojë lidhjen e tij me shqiptarët e Kosovës” dhe shtoi se nuk ka vërejtur ndonjë shqetësim në Kosovë për shkak të deklaratës së tij të mëparshme, por vetëm disa dyshime.
Presidenti slloven në konferencën për shtyp tha se vendet e Ballkanit Perëndimor kanë një të ardhme evropiane.
