Nënkryetari i Lidhjes Demokratike të Kosovës, Gazmend Muhaxheri, ka thënë se subjekti i tij politik nuk është i interesuar t’ia ndërprejë qeverisjen Kurtit.
Sipas tij, duan ta lënë kryeministrin Kurti të qeverisë ta shohin përkrahësit e tij që, siç tha ai, kjo qeveri nuk ka marrë asnjë zgjidhje për problemet e vendit por vetëm shtyrje të tyre.
“Ne si LDK s’jemi të interesuar në asnjë moment t’ia ndërpresim kësaj qeverie qeverisjen. Ne jemi të intersuar ta lëmë të qeverisë, sepse e ka marrë një përkrahje të madhe popullore dhe atë përkrahje që e kanë pasur ne po i themi eja qeverisi dhe për asnjërën nuk ka përgjegjësi, për asnjë veprim që e ka premtuar nuk ka zgjidhje, janë 18 muaj qeverisje dhe ka vetëm fjalë dhe shtyrje të problemeve e asnjë zgjidhje”, ka thënë Muhaxheri në Rubikon.
Muhaxheri tha se nëse Kurti do të ishte i përgjgjshëm, ai nuk do të duhej të ishte sot në Japoni por në vend, duke u munduar t’i zgjidhë problemet me SBAShK-un.
“Nuk ishte e nevojshme të jetë në Japoni kur e ka vendin keq”, ka shtuar ai.
