Zyrtarët e ndeshjeve në të gjitha ligat angleze janë udhëzuar që të lejojnë lojtarët të prishin agjërimin gjatë ndeshjeve të mbrëmjes gjatë Ramazanit, mund të zbulojë ekskluzivisht Sky Sport News.
Shumë nga futbollistët më të mirë të vendit, duke përfshirë Mohamed Salah të Liverpool-it, Riyad Mahrez të Manchester City-t dhe Ngolo Kante të Chelsea-t, pritet të agjërojnë këtë muaj dhe të abstenojnë nga ushqimi dhe pijet gjatë ditës gjatë periudhës së rëndësishme për myslimanët.
Siç dihet, iftari prishet pasi ka perënduar dielli dhe kjo do të prekë një sërë lojtarësh që do të marrin pjesë në ndeshjet e mbrëmjes gjatë muajit të ardhshëm.
Zyrtarët e ndeshjes tani janë udhëzuar nga organet e arbitrazhit që të lejojnë një pushim të natyrshëm në lojë, në mënyrë që lojtarët të mund të prishin agjërimin e tyre duke marrë lëngje ose xhel energjie ose suplemente ushqimore.
Match officials across the Premier League and EFL have been asked to allow players to break their fast during matches over Ramadan, Sky Sports News can exclusively reveal ⤵️
— Sky Sports News (@SkySportsNews) March 21, 2023
Ata gjithashtu inkurajohen përpara fillimit të ndeshjes që të përpiqen të identifikojnë lojtarët që mund të kenë nevojë të prishin agjërimin gjatë ndeshjes dhe, kur është e mundur, të bien dakord për një kohë paraprake për ta bërë këtë.
Ramazani është muaji i nëntë i kalendarit islamik, i festuar nga muslimanët në mbarë botën si muaj agjërimi, lutjeje, reflektimi dhe bashkësie. Fillon nesër mbrëma dhe zgjat deri më 21 prill.
Kujtojmë se dy vite më parë ndeshja mes Leicesterit dhe Crystal Palace u ndërpre në mesin e ndeshjes në mënyrë që lojtarët të prishnin agjërimin dhe ishte rasti i parë i tillë në Premiership.
Me atë rast, të dy klubet ranë dakord para ndeshjes me gjyqtarin Graham Scott se do të kishte një pushim në lojë në mënyrë që Wesley Fofana dhe Cheikhou Kouyate të mund të prishnin agjërimin.
Vicente Guiata më pas vonoi goditjen e golit pas gjysmë ore për të lejuar Fofana dhe Kouyate të merrnin xhel energjie në vijën e kontaktit.
Fofana më vonë shkoi në rrjetet sociale pas ndeshjes për të falënderuar Guiata, Palace dhe Premiership që e lejuan atë të prishë agjërimin, duke thënë: “Kjo është ajo që e bën futbollin të bukur”.
