Një automjet me vlerë rreth 150.000 euro është lokalizuar në Ulqin, për të cilin është nisur kërkimi ndërkombëtar, njofton Drejtoria e Policisë së Malit të Zi.
Policia mësoi se automjeti në pronësi të një shtetasi slloven ndodhet në zonën e Plazhit Madh.
“Kontrollet janë kryer nga Interpol Bratislava dhe është konfirmuar se për automjetin është në kërkim ndërkombëtar”, thuhet në njoftim.
Policia bën me dije se do të kryhen kontrollet e nevojshme dhe ekspertiza.
Automjeti i gjetur është BMW, me targa sllovene.
