Pas vrasjes së Oliver Ivanoviqit qëndrojnë të tri palët – shteti i Serbisë, Kosova dhe bashkësia ndërkombëtare, ka thënë publicisti nga Mitrovica e Kosovës Dejan Nedeljkoviq, ish-bashkëpunëtor dhe mik i politikanit të vrarë serb nga Kosova.
Nedeljkoviq theksoi se do të dëshironte që të rezultonte se ai nuk është vrarë nga një serb, siç pretendojnë autoritetet në Beograd.
“Fatkeqësisht, çdo gjë çon në faktin se shteti i Serbisë është deri tani më i involvuari”, tha ai në programin Iza vesti në televizionin N1.
Ai tha se Mitrovica nuk do të jetë vend për jetë të qetë derisa të zbardhet kjo vrasje, duke theksuar se gjithnjë e më shumë njerëz po largohen nga Kosova, duke shitur banesa dhe shtëpi.
“Kjo filloi masivisht në momentin që Oliver u vra,” tha Nedeljkovic.
Ai thotë se në Mitrovicë funksionon vetëm sektori publik dhe se njerëzit varen nga paratë që jep Serbia.
Siç thotë ai, personat që janë larguar nga institucionet kanë marrë kontrata të veçanta pune dhe Serbia u paguan aq sa Kosova.
Ai i thotë listës Srpska se tani janë “asgjë” pas largimit nga institucionet dhe nuk përfaqësojnë askënd.
Për ngritjen e barrikadave, të cilat qëndruan në veri për 20 ditë, ai thotë se ka shërbyer për paraqitjen e Listës Serbe sikur ajo është ende një faktor i rëndësishëm në veri të Kosovës.
Pritja e njerëzve në barrikada ishte që të kishte konflikt, që ushtria serbe të pushtonte veriun, të arrinte në urën mbi Ibër dhe ai territor të bëhej pjesë e Serbisë.
Tani populli ka rënë në apati, nuk ka vullnet të revoltohet dhe ndjen se presidenti Aleksandar Vuçiq disi e ka mashtruar, thotë Nedeljkoviq.
