Bisedimet midis Iranit dhe SHBA-së për programin bërthamor të Teheranit kanë filluar në Oman, me shtetin e Gjirit që vepron si ndërmjetës.
Zëdhënësi i Ministrisë së Jashtme iraniane, Esmail Bagei, raportoi në rrjete sociale se anëtarët e delegacioneve nga të dy vendet kishin filluar negociatat në kryeqytetin, Muscat.
Zyrtarët e Omanit kanë bërë të ditur se ata mbahen në dhoma të ndara.
“Bisedimet indirekte po mbahen në dhoma të veçanta, me mesazhe të transmetuara për të dy palët nga zyrtarët e Omanit.”
Dialogu shënon një përpjekje të re për të ringjallur përpjekjet e ngecura diplomatike mes tensioneve të vazhdueshme mbi aktivitetet bërthamore të Iranit, shkruajnë mediat e huaja, përcjell Telegrafi.
Ministri i Jashtëm Abbas Aragçi përfaqëson palën iraniane, ndërsa administrata Trump përfaqësohet nga i dërguari special i SHBA-së, Steve Witkoff.
“Kohëzgjatja e negociatave, të cilat do të jenë vetëm për çështjen bërthamore, do të varet nga serioziteti dhe vullneti i mirë i palës amerikane”, tha zyrtari, duke folur në kushte anonimiteti për shkak të ndjeshmërisë së temës.
