Majka e Elon Muskut, Maye Musk, e cila merret me modelim për më shumë se 50 vite, tërhoqi vëmendjen në Javën e Modës në New York duke marrë pjesë në sfilatën e markës Juzui. Kjo 76-vjeçare hyri në botën e modës mbi 50 vite më parë.
Marka e përmendur e ka përshkruar Maye si mishërim të elegancës së përjetshme. Ajo veshi një bluzë transparente, një fund të gjatë të zbukuruar me shkëlqim dhe një xhaketë me pendë. Flokët e saj të shkurtër janë shenja e saj dalluese, ndërsa pamjen e plotësoi me një grim të thjeshtë.
Megjithëse Maye deri më tani ka bashkëpunuar me marka të tjera si Dolce & Gabbana, Christian Siriano dhe Philipp Plein, Juzui ka një vend të veçantë në zemrën e saj.
Ajo ka disa sezone që bashkëpunon ekskluzivisht me stilisten Taoray Wang, e cila krijon për markën Juzui.
Djali i saj, Elon Musk, shpesh tërheq vëmendjen me sjelljen e tij kontroverse, por pavarësisht kësaj, ajo i shpreh mbështetje në platformën X.
“Madje edhe miqtë e mi demokratë janë të emocionuar për të ardhmen e Amerikës. Jam e hutuar, por edhe e lumtur,” shkroi ajo në fund të janarit në këtë rrjet social.
