Vazhdojnë reagimet për fjalimin e kryeministrit të Malit të Zi, Dritan Abazoviq, në përkujtimoren me rastin e 27 vjetorit të gjenocidit në Srebrenicë.
Shoqata që mbledh anëtarët e familjeve të të vrarëve dhe të zhdukurve në gjenocidin e vitit 1995, ”Nënat e Srebrenicës”, i bëri thirrje kryeministrit të Malit të Zi, Dritan Abazoviq, t’u kërkojë falje atyre dhe të gjitha viktimave të gjenocidit në Srebrenicë.
Premijer @DritanAbazovic da se izvini nama i svih žrtvama genocida u Srebrenici. Naša djeca su ubijena samo zato što su Bošnjaci, ubila ih je organizovana vojska. U Potočarima nema mjesta za relativizaciju zločina.
— Majke Srebrenice (@MSrebrenice) July 11, 2022
“Kryeministri Dritan Abazoviq duhet të na kërkojë falje neve dhe të gjitha viktimave të gjenocidit në Srebrenicë. Fëmijët tanë u vranë vetëm pse ishin boshnjakë, u vranë nga një ushtri e organizuar. Në Potoçari nuk ka vend për relativizimin e krimit.” thanë nënat e Srebrenicës.
Deklarata e Abazoviqit se gjenocidi nuk është kryer ndaj boshnjakëve por ndaj njerëzve shkaktoi reagime të shumta. Fjalimi i Abazovicit u kritikua edhe nga zëvendësi i tij në qeverinë e Malit të Zi Rashko Konjeviq, Qendra Memoriale e Srebrenicës, drejtori i Qendrës Memoriale Emir Suljagić.