Në mesin e të arrestuarve gjenden katër krerë të grupit terrorist.
Nëntë terroristë të DEASH-it, duke përfshirë katër krerë të grupit, u kapën në Al-Bab, në veri të Sirisë, një zonë pranë kufirit jugor të Türkiye-s, tha sot Ministria e Brendshme turke, transmeton Anadolu Agency (AA).
Aktivitetet e inteligjencës nga Komanda Këshillimore e Xhandarmërisë së Task Forcës Siriane në Al-Bab nën ndjekjen dhe koordinimin e Komandës së Xhandarmërisë Provinciale të Gaziantepit zbuluan se njësitë e DEASH-it në Siri kanë ofruar trajnime për anëtarët e grupit në sulme vetëvrasëse, sabotazhe, sulme, eksplozivë të punuar me dorë, atentate dhe inteligjencë, dhe se terroristët po synonin të sulmonin rajonin Al-Bab dhe Türkiye-n, tha Ministria në një deklaratë.
Gjatë operacionit të shtunën, nëntë terroristë, përfshirë kreun e vrasjeve/ekzekutimeve të grupit dhe gjithashtu ndihmësin e rajonit Siri/Damask/Maddava, i koduar me emrin Abu Mushap, u arrestuan, së bashku me dy mbikëqyrës të logjistikës dhe mbikëqyrës të çështjeve financiare.
Një sasi e madhe materialesh digjitale është sekuestruar gjatë kontrolleve në banesat e terroristëve, të cilët u vendosën në arrest nga gjykata vendase.
Al-Bab, i pastruar nga grupi terrorist DEASH pesë vjet më parë përmes operacionit turk “Mburoja e Eufratit”, u bë një strehë e sigurt për 400.000 civilë pavarësisht përpjekjeve për sulme dhe infiltrime nga grupi terrorist YPG/PKK.
