Nëse në Kuvendin e Kosovës do të mblidhen deputetët e zgjedhur nga zgjedhjet e mbajtura më 9 shkurt.
Kuvendi i Kosovës do të zhvillojë nesër seancën konstituive të legjislaturës së nëntë me radhë, duke shënuar kështu hapin e parë drejt formimit të institucioneve të reja pas zgjedhjeve të fundit parlamentare.
Seanca konstituive do të nis në ora 10:00, në sallën plenare të Kuvendit të Kosovës.
Në këtë seancë parashihet të jenë katër pika të rendit të ditës:
- Formimi i Komisionit të përkohshëm për verifikimin e kuorumit dhe të mandateve të deputetëve,
- Betimi i deputetëve,
- Zgjedhja e kryetarit të kuvendit,
- Zgjedhja e nënkryetarëve të kuvendit.
Pritet që në këtë seancë të bëhet përcaktimi i strukturave udhëheqëse të Kuvendit, përfshirë këtu edhe zgjedhjen e Kryeparlamentarit e që në publik nuk ka ende asnjë emër se kush do të jetë.
Kuvendi ka ftuar të gjithë deputetët e zgjedhur që të marrin pjesë në këtë seancë tejet të rëndësishme, e cila shënon edhe zyrtarisht punën e legjislaturës së re./Lajmi.net/
