Izraeli ka bërë të ditur se do të heqë të gjitha tarifat e mbetura doganore për importet nga Shtetet e Bashkuara të Amerikës (SHBA).
SHBA është partneri më i afërt tregtar dhe aleati më i ngushtë i Izraelit, me një shkëmbim tregtar dypalësh që arriti vlerën 34 miliardë dollarë në vitin 2024.
Kryeministri izraelit Benjamin Netanyahu deklaroi se heqja e tarifave për mallrat amerikane është një hap tjetër drejt hapjes së tregut ndaj konkurrencës dhe uljes së kostos së jetesës.
“Përveç përfitimeve ekonomike për ekonominë dhe qytetarët e Izraelit, ky hap i tanishëm do të na mundësojë të forcojmë më tej aleancën dhe lidhjet mes Izraelit dhe SHBA-së,” – thuhet në deklaratën e tij.
Izraeli dhe SHBA kishin nënshkruar marrëveshje për tregti të lirë që 40 vite më parë, dhe deri më sot rreth 98% e mallrave nga SHBA kanë qenë të përjashtuara nga tarifat doganore.
