Ka kohë që nuk e kemi parë në fushë magjistarin brazilian të futbollit Neymar, por ai është shfaqur në tavolinën e pokerit ku shumë fytyra të njohura kanë luajtur këtë lojë.
Ndër të tjera, Jimmy Butler, ylli i NBA dhe anëtari aktual i Miami Heat, ishte ndër rivalët e Neymarit, ndaj të cilit braziliani humbi një krah me vlerë rreth 160 mijë euro, por gjithsesi arriti ta mbyllte ditën me fitim.
Gjegjësisht, Goal raporton se në fund të ditës, Neymar dhe Butler përfunduan me një plus prej mbi 500 mijë euro dhe kështu treguan aftësi të lakmueshme në poker. Në tavolinë ka qenë edhe boksieri Ryan Garcia dhe Dan Bilzerian, një lojtar profesionist i pokerit, të cilët nuk kanë kaluar mirë.
Në fillim të sezonit të kaluar, Neymar kaloi në Saudi Al-Hilal, ku arriti të luajë vetëm disa ndeshje para se të lëndohej rëndë në tetor dhe që atëherë ka qenë jashtë fushës.
🔴 Neymar a 𝗣𝗘𝗥𝗗𝗨 une main à 160 000€ au poker face à Jimmy Butler, star NBA ! 🤯💰pic.twitter.com/9ZfqlxN8XN
— Vibes Foot (@VibesFoot) June 24, 2024
Edhe pse në një pozicion për t’u çlodhur dhe pushuar gjatë pushimeve verore, Neymar pritet të jetë pjesë e planeve parasezonale të Al-Hilal.
Ai hodhi poshtë mundësinë e transferimit diku tjetër kur u spekuluan për transferimin e tij në Inter Miami, ku luan Lionel Messi, ish-bashkëlojtari i Neymar nga Barcelona.
