N’Golo Kanté (33), futbollisti francez i njohur për thjeshtësinë dhe privatësinë e tij, ka qëndruar ditët e fundit në qytetin Bamako në Mali, dhe sipas disa fotografive që qarkullojnë, ka dalë informacioni se ai mund të jetë martuar. Megjithatë, deri më tani nuk ka asnjë konfirmim zyrtar për këtë.
Kanté mbërriti dje në vendin e origjinës së tij, ku kanë lindur prindërit e tij, dhe në rrjetet sociale u shfaqën foto të tij me një vajzë misterioze, për të cilën spekulohet se është bashkëshortja e tij e sapomartuar.
Megjithatë, kjo ende nuk është konfirmuar, ndërsa fotografia ka shkaktuar debat të madh në rrjetet sociale, ku shumë po pyesin nëse mesfushori i shkëlqyer i ka dhënë fund beqarisë.
Madje edhe Frank Khalid, një personalitet i njohur i futbollit, deklaroi se lajmi për martesën e Kantés nuk është i vërtetë, por më pas e fshiu postimin nga Twitter-i, duke lënë misterin të hapur.
N’Golo u lind në Paris nga prindër emigrantë nga Mali. Babai i tij ndërroi jetë kur ai ishte vetëm 11 vjeç, ndërsa motra e tij e madhe, Niama, vdiq nga një arrest kardiak pak para Kupës së Botës 2018.
Francezi është i njohur për mbajtjen e jetës së tij private larg vëmendjes së publikut, duke u fokusuar kryesisht te karriera e tij. Ai gjithmonë ka qenë i thjeshtë, siç dëshmojnë edhe fotografitë e vizitës së tij në Mali, ku shihet i veshur në mënyrë modeste dhe duke kaluar kohë me banorët vendas.
Kanté e nisi karrierën e tij profesionale në Boulogne, më pas kaloi te Caen, ku u bë lojtar kyç dhe ndihmoi klubin të ngjitej në Ligue 1.
Në vitin 2015, ai u transferua te Leicester City për vetëm 8 milionë euro dhe një vit më vonë fitoi titullin historik me “Dhelprat”.
Në verën e vitit 2016, ai kaloi te Chelsea për 55 milionë euro, ku u shpall kampion i Evropës. Prej dy vitesh, ai luan për Al-Ittihad në Arabinë Saudite.
Me kombëtaren e Francës, ai është shpallur kampion bote dhe ka fituar Ligën e Kombeve.
