Bombarduesi bërthamor amerikan B-2 Spirit bëri një ulje emergjente në Misuri pas një mosfunksionimi që ndodhi gjatë fluturimit dhe mori flakë gjatë uljes.
Bëhet fjalë për një bombardues bërthamor “stealth” B-2 Spirit i Forcave Ajrore të SHBA-së, i cili bëri një ulje emergjente në bazën e Forcave Ajrore Whiteman në Misuri për shkak të një mosfunksionimi gjatë “operacioneve rutinë”. Avioni mori flakë gjatë uljes dhe u dëmtua, konfirmoi Forca Ajrore e SHBA. Zjarri u shua shpejt.
Nuk ka të lënduar, ndërsa ngjarja është ende nën hetim. Një foto e publikuar e aeroplanit tregon tymin që ngrihet mbi vendin e uljes së avionit, ndërsa një tjetër tregon aeroplanin pa pajisjen e tij të uljes të vendosura.
B-2 Spirit hyri në shërbim në 1997 dhe kushtoi 1.16 miliardë dollarë, ose 2.15 miliardë dollarë në vlerën e sotme. Konsiderohet si bombarduesi më i shtrenjtë në botë.
Një tjetër bombardues B-2 në bazën e Forcave Ajrore Whiteman u dëmtua vitin e kaluar kur pajisjet e tij të uljes dështuan gjatë uljes për shkak të dështimit mekanik. Me atë rast është bërë e ditur se shkak i defektit janë bërë “burimet e konsumuara”.
B-2 Spirit është prodhuar nga Northrop Grumman, e cila këtë muaj zbuloi avionin e ri B-21 Raider, i cili do të jetë pasardhësi i tij.
