Sipas organizatës joqeveritare “Save the Children”, grupet më të cenueshme janë fëmijët emigrantë, refugjatët, azilkërkuesit dhe fëmijët e pashoqëruar
Pothuajse një e katërta e të gjithë fëmijëve në Evropë rrezikohen nga varfëria ose përjashtimi social, thuhet në raportin e organizatës joqeveritare “Save the Children”, transmeton Anadolu.
“Save the Children” në raportin e saj të fundit “Garantimi i së ardhmes së fëmijëve”, tha se gjithnjë e më shumë fëmijë dhe familje jetojnë në varfëri dhe përjashtim social për shkak të kostove të larta të jetesës, krizës klimatike dhe pandemisë së COVID-19.
Situata më e rëndë raportohet në Spanjë dhe Rumani, me 33.4 për qind, përkatësisht 41.5 për qind të fëmijëve që rrezikohen nga varfëria, sipas shifrave. Sipas raportit, Finlanda (13.2 për qind) dhe Danimarka (14 për qind) janë vendet me normat më të ulëta.
Fëmijët migrantë, refugjatët, azilkërkuesit, fëmijët pa dokumente dhe të pashoqëruar janë grupet më të cenueshme.
Organizata thekson se në Itali, 32.4 për qind e emigrantëve jetojnë në varfëri ndërsa 7.2 për qind e qytetarëve jetojnë në varfëri.
Drejtoresha e “Save the Children” për Evropën, Ylva Sperling në raport përshëndeti përpjekjet evropiane për miratimin e Garancisë për Fëmijët në vitin 2021, e cila synon “të parandalojë dhe të luftojë përjashtimin social duke garantuar qasje efektive të fëmijëve në nevojë”, siç përcaktohet nga Komisioni Evropian.
“Garancia për fëmijët është mundësi gjenerimi që është një mundësi që jepet një herë në gjeneratë dhe qeveritë duhet të shfrytëzojnë plotësisht potencialin e saj, duke përdorur planet kombëtare të veprimit për ta zbatuar saktë atë. Ata duhet të bëjnë përpjekje shtesë për të plotësuar boshllëqet e theksuara në këtë raport si përcaktimi i objektivave dhe treguesve të qartë dhe sigurimit për financim të mjaftueshëm”, tha Sperling.
Organizata joqeveritare publikoi një sërë rekomandimesh për qeveritë, përfshirë rritjen e përfitimeve dhe shërbimeve sociale për fëmijët në nevojë, orientimin e investimeve te fëmijët, zbatimin e reformave afatshkurtra dhe afatgjata, ofrimin e ndihmës financiare për familjet dhe vendosjen e një sistemi për përfitime në para ose bono ushqimore.
