DHJETËRA burra të panjohur, të maskuar dhe të veshur me të zeza, mbërritën sot në mëngjes në Parkun Pionir. Në rrjetet sociale po qarkullon një video e tyre, por ende nuk dihet me çfarë qëllimi kanë ardhur në parkun ku prej ditësh qëndrojnë “studentët që duan të mësojnë”.
Gjithashtu, në Zeleni Venac është filmuar një grup i madh burrash të veshur me të zeza duke ecur drejt qendrës së qytetit. “Si një ushtri”, shkruhet në përshkrimin e një postimi në profilin e Instagramit Serbialive Beograd.
https://www.instagram.com/reel/DHNmtYoMdJU/?utm_source=ig_embed&utm_campaign=loading#dmid=6a95e805-3ba1-453a-b920-11e3a238d9f4
Sot në Beograd po zhvillohet një protestë e madhe studentore. “Studentët” e Vuçiqit, të cilët regjimi po përpiqet t’ua paraqesë publikut me sloganin “studentët që duan vetëm të mësojnë”, janë shfaqur si kundërpeshë ndaj protestave dhe bllokadave studentore në Serbi.
Kjo grupë, e cila nga shumëkush konsiderohet si mbështetëse e regjimit dhe e lidhur me partinë në pushtet, Partinë Përparimtare Serbe (SNS), ka marrë nofkën “ćaci”, e cila ka lindur nga një grafit dhe tashmë është bërë një nga simbolet kryesore të protestave.
Ata u mblodhën disa ditë më parë në Parkun Pionir të Beogradit.
