Skuadra marokene e futbollit ka tërhequr simpatinë e tifozëve neutralë në mbarë botën dhe Novi Pazari do ta mbështesë këtë skuadrë sonte.
Maroku bëri historinë e futbollit duke u bërë kombëtarja e parë afrikane në gjysmëfinale të Kupës së Botës, por nuk planifikon të ndalet me kaq dhe dëshiron të tronditë një tjetër favorit. Kundërshtar në gjysmëfinalen e sonte është Franca.
Marokenët kanë shumë mbështetje nga tifozët në të gjithë botën që do të donin të shihnin një kombëtare të tillë të fitonte finalen e Kupës së Botës. Ky do të ishte një rifreskim i madh në futbollin modern.
@EnMaroc 👊 🇲🇦 #WorldcupQatar2022 pic.twitter.com/hdExOrxWhc
— FK Novi Pazar (@FKNoviPazarOff) December 14, 2022
Populli i Novopazarit u dha mbështetje marokenëve. Qyteti më i madh i rajonit të Sanxhakut vendosi të varë një flamur të madh maroken në kështjellën e njohur si Muri, i cili do të jetë atje deri në ndeshje.
Flamuri është më shumë se shtatë metra i gjatë. Fotoja nga Novi Pazari bëri xhiron e botës, dhe qëllimi ishte që të dërgohej një mesazh përkrahës para duelit të sonte.
Interesant është se përveç qytetarëve të Novi Pazarit, ekipin maroken të futbollit e ka përkrahur edhe FK Novi Pazar në faqen zyrtare në Twitter.
Ndeshja mes Marokut dhe Francës është planifikuar të luhet sonte në orën 20:00. Fituesi do të luajë kundër Argjentinës, e cila mbrëmë në gjysmëfinalen e parë mundi Kroacinë me rezultat 3:0.
