Postimi i një fature në Instagram nga shefi i njohur turk, Nusret , i cili në publikun e gjerë u bë i njohur si Salt Bae, ka shkaktuar reagime të ndryshme.
Shefi i famshëm turk, ka postuar në “Instagram”, shumën e faturës e cila ka arritur në 161.550 euro , pra aq sa mund të kushtojë një apartament në zemër të Prishtinës.
Megjithatë, Nusret iu shmang të zbulojë se kush e ka paguar faturën e kripur prej 161.550 euro për të ngrënë në restorantin e tij.
Përveç mezeve dhe biftekëve “të artë”, klienti hapi edhe dy shishe verë Petrus 2009 dhe pagoi 200 mijë dirhemë (52541 euro). Kjo verë në bodrum (nëse e gjeni) është 6000 euro shishe.
