“Është përgjegjësia jonë kolektive që ta mbajmë atë funksionale”, deklaroi shefi i OKB-së, Antonio Guterres
Shefi i OKB-së, Antonio Guterres, e karakterizoi si “moment historik” faktin që Ukraina gjatë tre muajve ka dërguar 10 milionë tonë drithë dhe produkte të tjera ushqimore përmes marrëveshjes së ndërmjetësuar nga Türkiye dhe OKB-ja, raporton Anadolu Agency (AA).
“Pavarësisht të gjitha pengesave që kemi parë, feneri i shpresës në Detin e Zi është ende duke ndriçuar. Iniciativa po funksionon”, tha ai.
“Është përgjegjësia jonë kolektive që ta mbajmë atë funksionale”, deklaroi Guterres.
Guterres i kërkoi Rusisë dhe Ukrainës që të zbatojnë dhe rinovojnë plotësisht marrëveshjen e drithit, e cila skadon më 19 nëntor.
Ai inkurajoi gjithashtu heqjen e pengesave të mbetura për eksportet e ushqimit dhe plehrave ruse.
Türkiye, OKB-ja, Rusia dhe Ukraina nënshkruan marrëveshjen për të rifilluar eksportet e drithit nga tre porte ukrainase të Detit të Zi, të cilat u ndaluan pas luftës së Moskës kundër Ukrainës në shkurt.
