“Thatësira aktuale ekstreme, e përhapur dhe sezonale po prek pjesë të Kenias, Somalisë dhe Etiopisë me një shkallë të paprecedentë”, tha zëdhënësja e WMO-së, Nullis
Shumë organizata ndërkombëtare kanë paralajmëruar se në Afrikën Lindore do të ketë uri serioze për shkak të stinëve të thata të sezonit të shirave, transmeton Anadolu Agency (AA).
Në deklaratën nën Agjencia e OKB-së për Ushqimin dhe Bujqësinë (FOA) dhe e nënshkruar nga 14 organizata të ndryshme ndërkombëtare, përfshirë Organizatën Botërore Meteorologjike (WMO), Fondin e OKB-së për Fëmijët, Programin Botëror të Ushqimit dhe Komisioneri i Lartë i OKB-së për Refugjatët, theksohet ndikimi negativ i thatësirës së vazhdueshme në Afrikën Lindore në sigurinë ushqimore.
Duke folur në konferencën për media të Zyrës së OKB-së në Gjenevë mbi këtë temë, zëdhënësja e WMO-së, Clare Nullis tha se “Thatësira aktuale ekstreme, e përhapur dhe sezonale po prek pjesë të Kenias, Somalisë dhe Etiopisë me një shkallë të paprecedentë”.
Ajo tha se 4 sezone kanë qenë radhazi të thata në rajon që nga viti i kaluar dhe se një thatësirë e tillë është regjistruar për herë të parë në 40 vitet e fundit. “Parashikimet e bëra nga ekspertët e meteorologjisë tregojnë se sezoni i shirave i cili do të zgjasë nga tetori deri në dhjetor të këtij viti, ka mundësi të jetë gjithashtu i thatë”, tha Nullis.
3.6 milionë bagëti ngordhën
Nullis theksoi se gjithsej 3.6 milionë kafshë fermash, 1.5 milionë në Kenia dhe 2.1 milionë në Etiopi, ngordhën për shkak të thatësirës. Sipas saj, në Somali që nga mesi i vitit 2021 një në çdo tre kafshë ferme është zhdukur.
Ajo tha se 16.7 milionë njerëz në rajon janë aktualisht në pasiguri të madhe ushqimore për shkak të thatësirës së shkaktuar nga mungesa e shiut dhe se kjo shifër parashikohet të shkojë në 20 milionë pas shtatorit.
Nullis tha se thatësira ndikoi negativisht edhe në hapësirat e jetesës në këto vende dhe se më shumë se 1 milion njerëz në jug të Somalisë dhe Etiopisë lanë shtëpitë e tyre vitin e fundit për shkak të kushteve të vështira klimatike.
