Presidentja e Republikës së Kosovës, Vjosa Osmani në kuadër të Takimit Aqaba në Sofje, zhvilloi një takim bilateral me Mbretin Abdullah II të Jordanisë.
Osmani ka shkruar:
Në kuadër të Takimit Aqaba në Sofje, pata kënaqësinë që në një takim bilateral me Mbretin Abdullah II të Jordanisë të diskutojmë për forcimin e marrëdhënieve mes Kosovës dhe Jordanisë, sfidat e sigurisë dhe zhvillimet gjeopolitike.
Do të forcojmë bashkëpunimin tonë në mbrojtje, ekonomi dhe diplomaci, me marrëveshje që do të konkretizohen së shpejti.
