Samiti u organizua nga “Patriotët për Evropën”, grupi i tretë më i madh në Parlamentin Evropian
Patriotët për Evropën”, e cila përfshin shumë parti të krahut të djathtë, populistë dhe të ekstremit të djathtë të vendeve të ndryshme të BE-së, u mblodhën në Madrid të premten për të diskutuar nën moton “Ta bëjmë Evropën të madhe përsëri”, raporton Anadolu.
Samiti organizohet nga lideri i partisë spanjolle të ekstremit të djathtë, Vox, Santiago Abascal, i cili u zgjodh kryetar i Patriotëve për Evropën në nëntor në Paris.
Partia njoftoi se qëllimi i samitit është diskutimi dhe zhvillimi i strategjive alternative kundër grupeve të Partisë Popullore Evropiane (EPP) të qendrës së djathtë, Aleancës socialdemokrate Progresive të Socialistëve dhe Demokratëve në Parlamentin Evropian.
Partia Vox dhe partitë konstituuese theksuan gjithashtu se duan ta bëjnë Evropën përsëri të madhe, duke ndjekur hapat e presidentit amerikan Donald Trump, i cili e ka bërë sloganin “Ta bëjmë Amerikën të madhe përsëri” (Make America Great Again) një pjesë kritike të fushatave të tij presidenciale.
Me 86 vende, Patriotët për Evropën është grupi i tretë më i madh në Parlamentin Evropian.
Ai përbëhet nga parti nga 13 shtete të ndryshme të BE-së, duke përfshirë partinë në pushtet të Hungarisë, Partinë Popullore Demokristiane; partinë Lega nga Italia; Partinë e Lirisë të Austrisë dhe Tubimin Kombëtar nga Franca.
